ราชา อาห ภนฺเต นาคเสน โย น ลภติ นิพฺพานํ โส ขานาติ สุขํ
นิพฺพานนฺติ ฯ เถโร อาห อาม มหาราช โย น ลภติ นิพฺพานํ โส ชานาติ สุขํ
นิพฺพานนฺติ ฯ กถํ ภนฺเต นาคเสนน โย น ลภติ นิพฺพานํ โส ชานาติ สุขํ
นิพฺพานนฺติ ฯ ตํ กึ มญฺญสิ มหาราช เยปิ อจฺฉินฺนปุพฺพหตฺถปาทา ชาเนยฺยุํ
เต มหาราช ทุกฺขํ หตฺถปาทจฺเฉทนฺติ ฯ อาม ภนฺเต ชาเนยฺยุนฺติ ฯ กถํ
ชาเนยฺยุนฺติ ฯ อญฺเญสํ ภนฺเต ฉินฺนหตฺถปาทานํ ปริเทวนฺตานํ สทฺทํ สุตฺวา ชานนฺติ
ทุกฺขํ หตฺถปาทจฺเฉทนฺติ ฯ เอวเมว โข มหาราช เย น ลภนฺติ นิพฺพานํ เต ทิฏฺฐนิพฺพานานํ
เตสํ สทฺทํ สุตฺวา ชานนฺติ สุขํ นิพฺพานนฺติ ฯ กลฺโลสิ ภนฺเต นาคเสนาติ ฯ

นิพฺพานสุขภาวชานนปญฺโห ทสโม ฯ

จตุตฺโถ วคฺโค ฯ

ปญฺจมวคฺโค

ราชา อาห ภนฺเต นาคเสน พุทฺโธ ตยา ทิฏฺโฐติ ฯ เถโร อาห น หิ
มหาราชาติ ฯ อถ ภนฺเต อาจริเยหิ ทิฏฺโฐติ ฯ น หิ มหาราชาติ ฯ เตนหิ ภนฺเต
นาคเสน นตฺถิ พุทฺโธติ ฯ เถโร อาห กึ ปน มหาราช โอหา นที ตยา
ทิฏฺฐาติ ฯ น หิ ภนฺเตติ ฯ อถ เต ปิตุนา โอหา นที ทีฏฺฐาติ ฯ น หิ
ภนฺเตติ ฯ เตนหิ มหาราช โอหา นที นตฺถีติ ฯ อตฺถิ ภนฺเต กิญฺจาปิ เม โอหา
นที น ทิฏฺฐา กิญฺจาปิ เม ปตุนา โอหา นที น ทิฏฺฐา อ จ โอหา นที
อตฺถีติ ฯ เอวเมว โข มหาราช กิญฺจาปิ เม อาจริเยหิ ภควา น ทิฏฺโฐ กิญฺจาปิ
มยาปิ น ทิฏฺโฐ อปิ จ ภควา อตฺถีติ ฯ กลฺโลสิ ภนฺเต นาคเสนาติ ฯ

พุทฺธอตฺถินตฺถิภาวปญฺโห ปฐโม ฯ

ราชา อาห ภนฺเต นาคเสน พุทฺโธ อนุตฺตโรติ ฯ เถโร อาห อาม มหาราช
ภควา อนุตฺสโรติ ฯ กถํ ภนฺเต นาคเสน ชานาสิ พุทฺโธ อนุตฺตโรติ ยถา เต น
ทิฏฺโฐติ ฯ เถโร อาห ตํ กึ มญฺญสิ มหาราช เยหิ ชเนหิ อทิฏฺฐปุพฺโพ มหาสมุทฺโท
ชาเนยฺยุํ เต มหาราช มหนฺโต โข มหาสมุทฺโท คมฺภีโร อปฺปเมยฺโย ทุปฺปริโยคาฬฺโห
ยตฺถิมา ปญฺจ มหานทิโย อปฺเปนฺติ เสยฺยถีทํ คงฺคา ยมุนา อจีรวตี สรภู มหินทีติ
ตสฺส มหาสมุทฺทสฺส อูนตฺตํ วา ปูรตฺตํ วาปิ น ปญฺญายติ สตตํ สมุทฺทํ ปญฺจ
มหานทิโย อปฺเปนฺตีติ ฯ อาม ภนฺเต ชาเนยฺยุนฺติ ฯ เอวเมว โข มหาราช สาวเก
อรหนฺเต ปรินิพฺพุเต ปสฺสิตฺวา ชานามิ ภควา อนุตฺตโรติ ฯ กลฺโลสิ ภนฺเต
นาคเสนาติ ฯ

พุทฺธานุตฺตรภาวปญฺโห ทุติโย ฯ

ราชา อาห ภนฺเต นาคเสน สกฺกา ชานิตุํ พุทฺโธ อนุตฺตโรติ ฯ เถโร
อาห อาม มหาราช สกฺกา ชานิตุํ ภควา อนุตฺตโรติ ฯ กถํ ภนฺเต นาคเสน สกฺกา
ชานิตุํ พุทฺโธ อนุตฺตโรติ ฯ ภูตปุพฺพํ มหาราช ติสฺสเถโร นาม เลขาจริโย พหูนิ วสฺสานิ